Жолаушылары бар автобус жер астына құлады: комиссия тергеу қорытындысын жариялады

Павлодар облысындағы "Майқайыңалтын" АҚ аумағында болған топтық жазатайым оқиғаны тергейтін комиссия 2024 жылдың 4-24 қаңтары аралығында жүргізген арнайы тексерудің қорытындысын жариялады, деп хабарлайды Аlmaty.tv тілшісі ТЖМ баспасөз қызметіне сілтеме жасап. 

Осы кезеңде ТЖМ Өнеркәсіптік қауіпсіздік комитеті төрағасының орынбасары Мұса Танабаевтың төрағалығымен комиссия мүшелері жобалық құжаттаманы зерделеп, тергеуге 4 сараптамалық ұйымды, оның ішінде Ресей Федерациясының сарапшысын тартып, алтын өндіруші кәсіпорынның куәгерлері мен лауазымды тұлғаларына сауалнама жүргізді. Сонымен қатар, комиссия шахтаға түсіп, оқиға орнын зерттеді.

Жан-жақты тергеу жүргізе отырып, комиссия жұмыс істеген кеңістікке тау-кен массасының құлауы салдарынан орын алған топтық жазатайым оқиғаның себептері:

жұмыс өндірісін қанағаттанарлықсыз ұйымдастыру;

"Майқайыңалтын" АҚ жауапты тұлғалары тарапынан тау-кен жұмыстарының қауіпсіз жүргізілуіне өндірістік бақылау тиісті түрде жүзеге асырылмаған;

блоктарды өңдеу кезінде қазбалардан құлау процесін бақылау тиісінше жүзеге асырылмаған деген қорытындыға келді.

Сонымен қатар бұл бос орындарға тиісті бақылау жүргізілмегені, жобалық құжаттамаға сәйкес әзірленген тазарту кеңістігінің бос жерлері, құлау ықтималдылығы бар екендігі жүргізілмені анықталды.

Нәтижесінде кенеттен құлаған тау массасының салдарынан жазатайым оқиға болды.

- Тергеу нәтижесі бойынша комиссия мүшелері жазатайым оқиғаның себептерін жою жөніндегі іс-шараны және олардың орындалу мерзімін айқындады. Оның ішінде шахта директорының, бас инженердің, бас маркшейдердің, учаскелік маркшейдерлердің лауазымдық нұсқаулықтары өнеркәсіптік қауіпсіздік саласындағы заңнаманың талаптарын ескере отырып қайта қаралатын болады, - деп хабарлады ТЖМ баспасөз қызметі.

Бұдан басқа, тау-кен қазбаларының өнеркәсіптік қауіпсіздік талаптарына сәйкестігіне егжей-тегжейлі тексеру жүргізілетін болады.

Құлауы мүмкін аймақтарды және қауіпсіздік нормаларын қамтамасыз етуді ескере отырып, автокөлік қозғалысының маршруттары әзірленетін болады.

Комиссия 7 жауапты адамды анықтады, олардың әрекеттері салдарынан топтық жазатайым оқиға болды.

Еңбек заңнамасына сәйкес тергеу материалдары құқық қорғау органдарына жіберілді.

Апат болған жерде авариялық-құтқару жұмыстары оқиға болған сәттен бастап демалыс күндерінсіз жүргізілуде.

Топырақтың геосканизациясы жұмысы мерзімді уақытта және жұмыстар өте қиын жағдайда жүргізіліп жатыр. Тау жыныстарының құлау қаупі және пайда болған шұңқырдың астында бос орындар бар.

Оқи отырыңыз: Алматы маңында ірі өрт шықты