Камчаткадағы ұшақ апатынан қаза тапқан 19 жолаушының денесі табылды

Кеше Камчатка жағалауында құлаған АН-26 ұшағында қаза тапқан 19 жолаушының денесі табылды, деп хабарлайды Almaty.tv тілшісі Baq.kz-ге сілтеме жасап.

Ресейдің Төтенше жағдайлар министрлігі апат болған жерде 19 адамның денесі анықталғынын растайды.

«Олардың көбінің  тұлғасын анықтау үшін генетикалық сараптама қажет. Әзірге тек бір адамның тұлғасы анықталған. Бортта барлығы 28 жолаушы болған. Оның алтауы экипаж мүшелері мен екеуі бала. Тірі қалғандары жоқ. Он адамның денесі Камчатка жағалауында жүргізілген іздеу операциясы барысында табылды. Іздеу жұмыстары жалғасып жатыр», – деп хабарлады министрліктің баспасөз қызметі.

Естеріңізге сала кетейік, кеше Палан елді мекенінен Петропавл-Камчатка бағытында ұшқан Ан-26 ұшағы жартастарға соғылып, апатқа ұшырады. Самолет бортында 28 адам болған. Оның алтауы экипаж мүшелері. Құтқарушылар ұшақ қалдығын Камчатка жағалауынан тапқан.