Павлодарда қарағайлы орманнан шыққан өрт мың гектар аймақты шарпыды

Павлодарда қарағай орманынан өрт шықты. Қызыл жалын мың гектар аймақты шарпыған, деп хабарлайды Almaty.tv.

Төтеншеліктердің хабарлауынша, айтып келмейтін апат Галкин ауылдық округіне қауіп төндірген. Оттың тез таралуына қатты соққан жел ықпал еткен көрінеді. Бірақ алдын алу жұмыстарының нәтижесінде өрттің елді мекендерге таралу қаупі жойылды. Қызыл жалынды ауыздықтауға 206 адам мен 50 техника жұмылдырылған.