Әуе апатынан зардап шеккендердің жағдайы күн санап жақсарып келеді

Бүгінде Алматы қаласының стационарларында 27 пациент бар, оның ішінде 7-і бала. Жансақтау бөлімінде 1 адам, атап айтқанда Алматы көпбейіндік клиникалық ауруханасында жатыр, деп хабарлайды Almaty.tv тілшісі.

Барлық зардап шеккендердің, соның ішінде оңтүстік астанада жан сақтау бөлімінде жатқан адамдардың жай-күйі тұрақты, бір қалыпты жақсаруы байқалады.

Әуе апатынан зардап шеккен 3 адам одан әрі ем алу үшін санитариялық авиация арқылы Нұр-Сұлтан қаласының Травматология және ортопедия ғылыми-зерттеу институтына тасымалданды.

Жалпы алғанда, дәрігерлер 22 операциялық араласу жүргізді. Барлық жүргізілген операциялар сәтті өтті.

Оның ішінде 2 балаға Балалар шұғыл медициналық көмек көрсету орталығының травматологтары жоғары технологиялық заманауи емдеу әдістерін қолдана отырып, кесусіз, атап айтқанда «Оң сан сүйегінің иілгіш өзекшелерімен остеосинтезі» операцияларын жасады.

Мұндай операцияның артықшылығы – дене аз жарақаттанады және сынған аяқ-қол жедел емдеуден соң бірнеше күннен кейін-ақ тез қалпына келеді.

Естеріңізге сала кетейік, әуе апатының нәтижесінде зардап шеккендер саны 69 адамға жетті, оның ішінде 9-ы бала.

Қазіргі уақытта, Алматы, Нұр-Сұлтан қалаларының стационарларында және Алматы қалалық көпбейінді клиникалық ауруханада 30 адам жатыр