Алматы облысында үйінен қашып кеткен мүгедек бала табылды

Алматы облысының полиция қызметкерлері Жамбыл ауданында төрт күн бұрын із-түзсіз жоғалған кәмелетке толмаған жасөспірімді тапты, деп хабарлайды Almaty.tv  Polisia.kz сайтына сілтеме жасап.

16 жастағы жігіттің анасы ұлы жоғалып кеткеннен кейін бірден полицияға оның мүгедектігі барлығын және медициналық есепте тұратынын айтып жүгінген.

Дабыл бойынша көтерілген қызметкерлер, ювеналды полиция инспекторларымен бірлесіп, ауқымды іздеу жұмыстарын бастаған. Хабарсыз кеткен баланың фотосуреті бар бағдарлар жақын маңда орналасқан барлық полиция бөлімшелеріне жіберілген.

«Іздеу кәмелетке толмаған баланың анасы ескерткен оның психикалық жай-күйіне сай жүргізілді. Тұрғылықты Қайназар кентін толығымен шолып шыққан қызметкерлер волонтерлермен бірлесе отырып, іздеу шараларын көрші елдімекендерде де жалғастырды. Нәтижесінде, төртінші тәулікте біз көрші Қарасай ауданында орналасқан Шамалған ауылынан кәмелетке толмаған баланың орналасқан жерін анықтадық. Бала бірден аудандық бөлімге жеткізіліп, анасына тапсырылды», – деп хабарлайды Жамбыл аудандық полиция басшысы Асхат Тегенбаев.

Кәмелетке толмаған жеткіншектің ішінара үйден қашып кететіндігі анықталды. Оның мүгедектігін ескере отырып, жасөспірімнің жалғызбасты анасына ауызша ескерту жасалды.