Алматы облысында аулалар мен көшелерді су басты

Алматы облысына қарасты Шеңгелді ауылдық округінің Ақөзек ауылындағы аула аумақтарын су басып қалды, деп хабарлайды Almaty.tv тілшісі облыстық ТЖД баспасөз қызметіне сілтеме жасап.

«5 наурызда сағат 18.46-да Алма Шеңгелді ауылдық округінің Ақөзек ауылында температураның (+12 градус) жоғарылауына және тау баурайынан еріген қар суының түсуіне байланысты құбырлы өткелдер су көлеміне төтеп бере алмады. Соның салдарынан көшелер мен 6 жеке тұрғын үйлердің аула аумағы су астында қалғаны хабарлама келіп түсті», - делінген ТЖД хабарламасында.

ТЖ департаментінің және жергілікті атқарушы органдардың күштері мен инженерлік техниканы (3 экскаватор және 2 тиегіш) пайдалана отырып, қолда бар құбырлы өткелдерге параллель қосымша төгу арналарын төсеу әдісімен еріген суды бұру бойынша жұмыстар жүргізілді.

«ТЖ департаментінің 10 қызметкері, 2 бірлік техникасы, 2 мотопомпасы және жергілікті атқарушы органдардың 5 қызметкері мен 5 бірлік техникасы жұмылдырылды. 2023 жылғы 6 наурызда сағат 7:00-де су ағыны төмендеді, елдімекендер арқылы су транзиттік режимде өтуде», - делінген хабарламада.

Су басу дерегінен қаза болғандар мен зардап шеккендер тіркелген жоқ.