Меншікті өндіріс
Біз әлеуметтік желілердеміз
Көкшетауда үй өртеніп, 80 жастағы зейнеткер қаза тапты
10.06.2022 22:36
Өртті сөндіру кезінде 1942 жылы туған әйел адамның денесі табылды
Photo: inform.kz
Көкшетауда өрт кезінде 80 жастағы зейнеткер көз жұмды, деп хабарлайды Almaty.tv тілшісі ҚазАқпаратқа сілтеме жасап.
Ақмола облыстық ТЖД баспасөз қызметінің мәліметінше, 10 маусым сағат 11:56 шамасында жедел басқару орталығына Әбілқасымов көшесіндегі жеке тұрғын үйден өрт шыққаны хабарланған.
«Өртті сөндіруге ТЖД жеке құрамынан 28 адам және 4 техника шақырылды. Сағат 12:33 кезінде өрт ауыздықталып, 13:18-де сөндірілді. Қызыл жалын 135 шаршы метр аумақты шарпыды. Өртті сөндіру кезінде 1942 жылы туған әйел адамның денесі табылды. Қазіргі кезде өрттің шығу себебі анықталып жатыр. Сот-медициналық және өрт-техникалық сараптама тағайындалды», - дейді ведомствода.