Атырауда ірі базар отқа оранды

Атырауда ірі базар отқа оранды, деп хабарлайды Almaty.tv.

Төтенше жағдайлар министрлігінің хабарлауынша, оқиға өткен түні сағат 1:40-тар шамасында болған.

Қызыл жалынды ауыздықтауға 63 қызметкер және 11 техника жұмылдырылды.

Бұдан бөлек, 50-ден астам әскери қызметкер мен 3 құтқару көлігі көмекке келді.

Айтып келмейтін апат 3 420 шаршы метр аумақты шарпыған. Шығын көлемі есептеліп жатыр.

«Абырой болғанда зардап шеккендер жоқ. Тілсіз жаудың келтірген шығын көлемі есептеліп жатыр», - деді төтеншеліктер.