Елордада тұрғын үйлер жылудан ажыратылады

Елордадағы тұрғын үйлер жылудан ажыратылатын болады. Бұл жөнінде қалалық Отын-энергетика кешені және коммуналдық шаруашылық басқармасының басшысы Ернат Бәзіл айтты, деп хабарлайды Almaty.tv.

Басқарма басшысының сөзінше, жылыту маусымы былтыр 30 қыркүйекте басталып, 205 күнге созылған. 21 сәуірде тұрғын үйлерге жылу беру тоқтайды деп жоспарланған.

«Нұр-Сұлтан қаласында жылыту маусымына дайындық және оны өткізу ережелеріне сәйкес, ауаның орташа температурасы бес тәулік бойы 10°C және одан жоғары болса, жылыту маусымын аяқтау туралы шешім қабылданады», – деді қалалық Отын-энергетика кешені және коммуналдық шаруашылық басқармасының басшысы Ернат БӘЗІЛ.