Жамбыл облысындағы жарылыстан қаза тапқандар саны 12 адамға жетті

Жамбыл облысындағы жарылыстан қаза тапқандар саны 12 адамға жетті. Нақтыланған мәліметтер бойынша, Жамбыл облысындағы  жарылыс салдарын жою кезінде қаза тапқан тағы үш адамның денесі табылды. Қызметкерлердің жеке басы анықталып жатыр, деп хабарлайды Almaty.tv тілшісі ҚР ТЖМ баспасөз қызметіне сілтеме жасап.

ТЖМ-нің 50-ге жуық қызметкері түрлі дәрежеде дене жарақат алған.

26 тамыз күні кешкі уақытта Жамбыл облысының әскери бөліміндегі қоймалардың бірінде жарылыс болғанын еске салайық. Салдарынан жалпы саны 12 адам қаза тауып, 98 адам жарақат алды. Жоғалғандарды іздестіру жұмыстары жүріп жатыр