Алматының бірнеше көшесінде көлік қозғалысы уақытша шектеледі

10 тамыз күні сағат 09:00-ден 11:00-ге дейін Алматыда көлік қозғалысы уақытша шектеледі, деп хабарлайды Almaty.tv.
– Абай даңғылы бойымен — Назарбаев даңғылынан Достық даңғылына дейін;
– Достық даңғылы бойымен — Құрманғазы көшесінен Сәтбаев көшесіне дейін.

Шектеулер Абай Құнанбайұлының ескерткішіне гүл шоқтарын қою рәсіміне байланысты енгізіледі.

«Қала тұрғындары мен қонақтарын ұлы ақынның рухына тағзым ету мақсатындағы салтанатты рәсімге қатысуға шақырамыз. Іс-шара сағат 10:00-де Республика сарайының алдындағы Абай алаңында басталады.
Уақытша қозғалыс өзгерістерін ескеріп, жол жүру ережелерін сақтауларыңызды сұраймыз», – деп хабарлады Алматы қаласы әкімдігі.

Еске салайық, Абай Құнанбайұлының 180 жылдығына орай Алматыда жыл соңына дейін 120-дан астам іс-шара өткізу жоспарланған.

Оқи отырыңыз: Дженнифер Лопес концерті: 10 тамыз күні Алматыда қозғалыс қалай ұйымдастырылады