Референдумнан кейін күзде парламент сайлауын өткізу керек – саясаттанушы

Бүгін Әлемдік экономика және саясат институтының ұйымдастыруымен «Президент Қасым-Жомарт Тоқаевтың реформалары: Қазақстанның саяси жүйесінің болашағы»  атты жиын өтті. Жиын барысында саясаттанушылар Басқарудың суперпрезиденттік түрінен күшті парламенті бар президентік республикаға ауысу нені білдіреді? Президенттің билеуші партияан кетуінің салдары қандай? Жүргізіліп жатқан реформалар партия саласының дамуына қалай әсер етеді, қандай партиялық-саяси жобалардың электоралды болашағы зор деген тақырып төңірегінде талқылау жүргізді, деп хабарлайды Almaty.tv тілшісі BAQ.KZ-ке сілтеме жасап.

Саясаттанушы Петр Своик биліктің қазіргі ұстанымы өте белсенді екенін, әсіресе партияларды тіркеуді қолға алса, референдумнан кейін күзде парламент сайлауын өткізуі мүмкін екенін жеткізді.

«Алдағы уақытта партияларды тіркеу жеңілдетілмек, сондықтан күзден қалмай парламент сайлауы өтуі мүмкін. Өйткені алдағы уақытқа болжам жасайтын болсақ бізде көптеген мәселелер туындауы мүмкін. Азық-түлік бағасы бұрынғыдан да жылдам  2-3 есеге өседі, экономикалық шығындар ұлғайып, жұмыссыздар қатары көбейеді. Дәл қазір Қазақстан тұрғындарының орташа күн көрісі 67 мың теңге. Оның ішінде жалақының 53 пайызы тек азыққа жұмсалады. Сондықтан мұндай мәселелер қордаланып үлкен проблемаға айналады», – деді ол.

Оның айтуынша, егер парламент сайлауын өткізбесе, күрделенген жағдай парламенттен шешімді әрекеттерді талап етеді. Ал, қазіргі парламен айтып жатқан өзгерістердің үдесінен шыға алмайды.

«Украинадағы соғысқа байланысты Ресейге санкциялар салынып жатыр. Бізге келетін импорт пен экспорттың басым бөлігі көрші ел арқылы келеді. Күзге қарай бізге мұнайды шығару мен импорт заттарды кіргізудің балама жолын қарастыру мәселесі туындайды. Бұл біз үшін үлкен мүмкіндік. Сондықтан президентке осындай мәселелерді еңсере білетін парламент қажет болады», – деді саясаттанушы.

Сонымен қатар ол Еуразиялық экономикалық одақтан шығуды қолдайтын адамдар парламентке келетінін, одан еш қашып құтыла алмайтынымызды айтты.

«Алдағы уақытта Еуразиялық одаққа қарсы шығатындар қатары көбейеді. Өз мүддемізді қорғауымыз керек, деген пікірлер үкімет басындағылардан да айтыла бастайды. Мұндай құбылыс бәрібір орын алады», – деді Своик.