Бақытбек Жұмабаев: Референдумдағы халық шешімі - Жаңа Қазақстанның негізін қалайтын мәйек

Мемлекет басшысы референдум қорытындысы бойынша Қазақстан халқына арналған үндеуіне қатысты «AMANAT» партиясы Алматы қалалық штабының мүшесі Бақытбек Жұмабаев өз ойын айтты, деп хабарлайды Almaty.tv. 

Бақытбек Жұмабаевтың айтуынша референдумда Қазақстан халқының басым бөлігі Президентіміздің ұсынған реформаларын қолдап дауыс берді:

"Өткен референдумда Қазақстан халқының басым бөлігі Президентіміздің ұсынған реформаларын қолдап дауыс берді. Бұл еліміздің ауызбірлігі мен кемел келешекке деген ұмтылысының айқын көрінісі деп білемін.

Мемлекет басшысы үндеуінде халық қамын қорғауды күшейтуге арналған кешенді бағыттарды және нақты істер қатарын айтып өтті.

Олардың қатарында: 

• Ел мүддесіне жұмыс істейтін мемлекеттік жүйе мен аппарат.
• Экономиканы монополиядан арылту.
• Баршаға тең мүмкіндіктер беру.
• Заңдарды жетілдіру.

Референдумдағы халық шешімі Жаңа Қазақстанның негізін қалайтын мәйек деп білемін. Әділетті және берекелі Қазақстанды құру жолында баршамыз бірлесіп еңбек етейік".