Бірінші рет дауыс бердім: Әуезов ауданында алғаш таңдау жасайтын 27 жасөспірім тіркелген

Бүгін 52 мың 202 алматылық азамат республикалық референдумда алғаш рет дауыс береді. Олардың алғашқы легі өз таңдауын жасап үлгерді, деп хабарлайды Almaty.tv тілшісі.

Әуезов ауданындағы № 155 мектепте орналасқан № 201 референдум учаскесінде 2036 дауыс беруші тіркелсе, оның 27-сі алғаш рет өз таңдауын жасайды. Солардың бірі – Арслан Асқарұлы. Ол ел тарихындағы айтулы сәтте азаматтық ұстанымын білдіріп, дауыс беруге ерекше дайындалған.

«Өмірімде бірінші рет таңдауымды жасадым. Әр дауыс Қазақстан елінің болашағын айқындайтынын терең сезініп отырмын», – деді  қала тұрғыны Арслан Асқарұлы.

Сағат 7:00-де жұмысын бастаған учаскеге келушілер аз емес. Сондай-ақ осында келіп, дауыс беруі тиіс тұрғындардың екеуі таңдауын үйде жасауға өтініш білдірген. Сағат 12:00-де учаске мүшелері барып, азаматтар өз позициясын білдірген.

Оқи отырыңыз: Спортшылар да жалпыхалықтық дауыс беруге белсенді қатысып жатыр