Алматының сайлау учаскелеріндегі жағдай тұрақты — кәсіподақтар бірлестігінен бақылаушылар штабы

Жалпықалалық баспасөз орталығында өткен брифинг барысында Алматы қаласының аумақтық кәсіподақтар бірлестігінің бақылаушылар штабы ҚР Парламенті Мәжілісі мен барлық деңгейдегі мәслихаттар депутаттарының кезекті сайлауында өз бақылаушыларының жұмысы туралы айтып берді, деп хабарлайды Almaty.tv.

Алматы қаласы кәсіподақтарының аумақтық бірлестігінің бақылаушылар штабының жетекшісі Серікжан Байғұттинов сайлау учаскелеріндегі ағымдағы жағдайға түсініктеме берді.

«Қазіргі таңда жағдай тұрақты. Сайлаушылар дауыс беру процесіне белсенді қатысуда. Дауыс беру процесінде бұзушылықтар байқалмайды. Санитарлық нормалар сақталады. Кіре берісте дезинфекциядан өтуге болады, дәрігерлер сайлаушылармен кездесіп, олардың температурасын тексереді. Белгілер мен бөліністер бар», — деп атап өтті ол.

Штаб мүшесі Гүлнар Тауанова учаскелердегі бақылаушылармен байланыс туралы сұраққа: 

«Мен Түрксіб ауданы бойынша үйлестірушімін. Мен 58 учаскеде жұмыс істеймін, онда екі ауысымға бөлінген 116 бақылаушы бар. Біз үнемі бақылаушылармен байланыстамыз, әр сағат сайын олар жағдай туралы есеп береді. Учаскеде таңғы сағат 6-дан бастап жұмыс істеп жатырмыз».