ЕҚЫҰ бақылаушылары «ADAL» партиясының кеңсесінде болды

ЕҚЫҰ бақылаушылары «ADAL» партиясының кеңсесінде болды, деп хабарлайды Almaty.tv.

Оларға «ADAL» партиясының мүшелері қандай жұмыстар жүргізіп жатқанын айтты. Содан кейін ЕҚЫҰ бақылаушылары сайлау дайындығына және  партияның жұмысына оң баға берді.

Гани Абадан, Алматы қалалық партияның төрағасы, «АДАЛ» партиясының құрылу тарихымен таныстырды және Алматыда жүргізіліп жатқан жұмыстар туралы хабардар етті.

«Биыл біз ребрендинг жүргізіп, жаңа күшпен белсенді жұмысты бастадық. Алматы бойынша біз мәслихатқа 5 үміткер шығардық. Қазір партияның 80 мыңнан астам мүшесі бар. Нақты санын айта алмаймын, өйткені үгіт жұмыстары күн сайын жүргізіліп келеді және күн сайын жаңа адамдар біздің қатарға қосылып келеді. Кеше ғана Алматыда бізге 500 жаңа адам қосылды», – деп атап өтті Ғани Абадан.

Біз белсенді үгіт-насихат жұмыстарын жүргіземіз. Партияның қандидаттары бүкіл Қазақстан бойынша 2 мыңнан астам кездесу өткізді. Сонымен қатар, әлеуметтік желілерде белсенді жұмыс жүргізілуде, Telegram-бот және партия сайты арқылы партияға кіруге жаңа өтініштер келіп түсуде.

«Сайт арқылы қазақстандықтар белсенді түрде тілектер мен ұсыныстарды қалдырады. Халық өздерінің шағымдарын білдіріп, жұмыспен қамту және инфрақұрылымды жақсарту жобаларына өтініштерін беріп жатыр», – деді Ғани Абадан.