Білім беру және тұрмыстық зорлық-зомбылыққа қарсы күрес: Халық партиясы алматылықтармен қандай мәселелерді талқылады

Қазақстан Халық партиясының Алматы филиалы бірнеше дөңгелек үстелдер мен кездесулер өткізді, деп хабарлайды Almaty.tv.

Бірінші іс-шара отбасындағы тұрмыстық зорлық-зомбылық мәселелерін талқылауға арналды. Сонымен бірге, гендерлік саясат мәселелері көтеріліп, отбасының амандығы мен қауіпсіздігі мәселелерін шешуде мемлекеттік органдар мен үкіметтік емес ұйымдардың өзара байланысын нығайту қажеттігі атап өтілді. Айта кетерлігі, талқылау барысын ЕҚЫҰ өкілдері бақылады.

«Біз Нормативтік құқықтық актіге баға берген кезде, басқа салалардағы барлық нормативтік актілерді нақты түсіндіретін бейіндерге ұқыпты және құрметпен қарауды ұсынғым келеді. Денсаулық сақтау, білім беру және т.б. салаларда заң жобалары елдің менталитеті мен әдет-ғұрпын міндетті түрде қолдануы тиіс, сондай-ақ жұмысқа осы саладағы кәсіпқойларды тарту маңызды», – деп атап өтті Алматы мәслихатының депутаттығына үміткер Эльмира Әуезова.

Күннің екінші жартысында ҚХП қаланың жоғары оқу орындарының бірінде жоғары білімге қолжетімділік мәселелері бойынша дөңгелек үстел ұйымдастырылды, оның барысында қазіргі заманғы білім берудің өзекті мәселелері талқыланды.

Көк базар аумағында жеке акция өтті. Мұнда үгіт-насихат тобы тұрғындар арасында түсіндіру жұмыстарын жүргізіп, партияның сайлауалды бағдарламасымен таныстырды. Қала тұрғындары өздерін қызықтырған сұрақтарды үміткерлерге тікелей қоя алады.