Алматыда «Ақ жол» партиясы ЖОО студенттерімен кездесті: демократиялық құндылықтарды дамытуға баса назар аударылды

Алматыда «Ақ жол» партиясы ЖОО студенттерімен кездесті, деп хабарлайды Almaty.tv.

«Ақ жол» демократиялық партиясынан Алматы мәслихаты депутаттығына үміткерлер партия мен оның парламенттік фракциясының қызметі туралы айтып, жастарға арналған бизнес пен әлеуметтік саланы қолдауға байланысты бағыттар ерекше қызығушылық тудыратын сайлауалды бағдарламасымен таныстырды.

Партия атынан үміткер Бағжан Нұрланұлы атап өткендей, партияның негізгі мақсаты – демократиялық құндылықтарды сақтау және одан әрі дамыту, сыбайлас жемқорлықтың алдын алу, жас кәсіпкерлерді қолдау, ең бастысы, сөз бостандығын сақтау.

Мәжіліс депутаттығына үміткер Ғани Хамзин өз кезегінде партияның мақсаттары туралы айтып, сайлауалды бағдарламаның кейбір тармақтарын түсіндірді.

«Бағдарламаның әрбір тармағы бойынша партия қабылдаған нақты қадамдар мен шаралар бар. Біз партияға жас азаматтарды тартуға тырысамыз. Жастар – біздің болашағымыз. Жыл сайын партиядағы жастардың үлесі артып келеді. Біз бар күшімізбен жастарды қолдауға, әлеуметтік сатыларды орнатуға тырысамыз. Сондай-ақ, біздің партия кәсіпкерлер партиясы ретінде өз бизнесін бастап, кез-келген қолдау көрсетуге дайын адамдарды қолдайды», – деді Г.Хамзин. Партия парламентаризмді күшейту, саяси жүйеде ғана емес, елдің әлеуметтік-экономикалық өмірінде де түбегейлі өзгерістер енгізу қажет деп санайды.