Қазақстанның жаңа кезеңіне қадам басамыз – Бақыт Беделхан

«Қазақстанның жаңа кезеңіне қадам басамыз». Белгілі ақын Бақыт Беделхан алда келе жатқан сайлауға қатысты өз ойын ортаға салды, деп хабарлайды Almaty.tv.

«Қасым-Жомарт Кемелұлы өте дұрыс шешім қабылдады. Бұл сайлаудан кейін жоба-жоспарларын жүзеге асырса, шынымен де Қазақстанның жаңа кезеңіне қадам басамыз деп ойлаймын. Қазақ деген ел алтын қазық бола алмасақ, ұлттық мүддені, ұлттық идеологияны алға шығармасақ, Қазақстан мемлекеті кімге керек? Бес саусақтай бүгіліп, жұдырықтай жұмылып, бірлік пен ынтымаққа жұмыс істеуіміз керек», – деді ақын, ҚР жазушылар одағы төрағасының орынбасары Бақыт Беделхан.