Меншікті өндіріс
Біз әлеуметтік желілердеміз
Индонезияда Қазақстанға және Димашқа арналған көрме өтеді
Көрме 29 маусым - 8 шілде аралығында ұйымдастырылады
Индонезияда Қазақстанға және Димашқа арналған көрме өтеді, деп хабарлайды Almaty.tv тілшісі dimashnews.com сайтына сілтеме жасап.
Көрме 29 маусым - 8 шілде аралығында Джакарта қаласында орналасқан Индонезия Республикасының Ұлттық кітапханасында «Димаш: Қазақстанның алтын дауысы» тақырыбымен өтеді.
Іс-шараны Димаш Құдайбергеннің индонезиялық фан-клубы Қазақстан Республикасының Индонезиядағы елшілігімен және Индонезия Республикасының Қазақстандағы елшілігімен бірлесіп ұйымдастырып жатыр.
Көрмеде Қазақстанның керемет сұлу табиғатының фотосуреттері, сондай-ақ жергілікті индонезиялық суретшілер жасаған түрлі өнер туындылары ұсынылады. Сонымен қатар көрменің бірінші күні кітапхананың бас залында Димаштың концерттерінің бірі экран арқылы көрсетіледі.
Шара екі ел арасындағы достықты нығайтуға септігін тигізбек.