|
09.06.2021 | 10:33
3358

Ninety One тобының әншісі Батырхан Мәліков үйленді ме

Бойжеткен кезінде «Ninety One» тобының менеджері қызметін атқарған

Ninety One тобының әншісі Батырхан Мәліков үйленді ме Pinterest

Желіде Ninety One тобының әншісі Батырхан Мәліковтың некелесу рәсімінен суреттер тарап кетті. Желідегілердің болжамынша, Alem лақап атты әнші бойдақтықпен қош айтысып, отбасын құрған деп хабарлайды Almaty.tv тілшісі Nur.kz-ге сілтеме жасап.

Батырхан Мәліковтың сүйіктісімен түскен фотолары Instagram желісіндегі zaraxci парақшасында пайда болды. Суреттерде қос ғашықтың мешітте қол ұстасып тұрғандарын көруге болады.

Оған қоса, Alem-нің сүйіктісінің орамалдағы бірнеше фотосы да бар. Өздерін Eagles деп атайтын топтың жанкүйерлері мембердің үйленгеніне еш күмәнданбайды. Олар тіпті бұл жаңалыққа аса қатты таңғала қоймағандарын айтуда. Тыңдармандар ұзақ уақыт бойы кездесіп жүрген жастардың түбі отбасын құратынына сенгендерін алға тартты.

«Бақытты болсын. Ұзақ кездесті ғой. Бұл күннің келерін білдім», «Мәңгі бойдақ болып жүре бермейді ғой. Бақытты болсын. Батырхан шын жақсы көреді оны», «Екеуі жақсы жарасады. Бұл арақатынас тоймен аяқталатынына сенгенмін», «Әлем саған мәңгі махаббат тілейміз», «Бақытты бол», деп жазып жатыр көпшілік.

Айта кетейік, Батырхан Мәліковтың таңдауы Вероника есімді аруға түскен. Бойжеткен кезінде «Ninety One» тобының менеджері қызметін атқарған. Алайда қос ғашық үйленгендерін әзірге еш жерде растаған жоқ. Олар парақшаларына некелесудегі суреттерін де жарияламаған.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир