Иманбек Зейкеновтің Roses әніне жасаған ремиксі Billboard-та топ жарды

Қазақстандық Иманбек Зейкеновтің (Imanbek) SAINt JHN орындайтын Roses әніне жазған ремиксі Billboard нұсқасы бойынша жылдың үздік би композициясы атанды, деп хабарлайды Almaty.tv тілшісі Tengrinews.kz-ке сілтеме жасап.

Еске салайық, Roses әнін 2016 жылы америкалық әртіс SAINt JHN жазған, бұл оның дебют альбомындағы композиция. Иманбек Зейкенов ремиксті 3 жылдан кейін жасаған. Бастапқыда ол түпнұсқа авторының қатысуынсыз шыққан, бірақ композиция көптеген елде үздік әндердің қатарынан көріне бастағанда оған ресми мәртебе берілді.

Айта кетейік, Imanbek ремиксі "Грэмми" сыйлығына ұсынылды.