Imanbek әлемдік деңгейдегі тағы бір жүлдені жеңіп алды

коллаж, источник billboard.com

«Roses» композициясына жазған ремикс нұсқасы Top Dance/Electronic Song номинациясы бойынша жеңімпаз атанды

Отандасымыз диджей Иманбек Зейкенов әлемдік деңгейдегі музыкалық сыйлыққа ие болды, деп хабарлайды Almaty.tv.

Бүгін таңертең АҚШ-та әлемдік дәрежедегі Billboard Music Awards сыйлығының табыс ету рәсімі өтті. Музыкалық бәсекеде Иманбек Зейкеновтің (Imanbek) «Roses» композициясына жазған ремикс нұсқасы Top Dance/Electronic Song номинациясы бойынша жеңімпаз атанды. Ол туралы Billboard Music Awards сыйлығының ресми сайтында жазылған. Одан бөлек, қуанышты хабарды диджей өзінің Instagram парақшасында бөлісті.

«Billboard Music сыйлығын алдым, бұл дәл Грэмми сыйлығы секілді»,– деп жазды ол.

Еске сала кетейік, биыл наурызда Иманбек жоғарыда аталған музыкалық туындысы үшін әйгілі «Грэмми» ұтып алған болатын.