|
03.12.2021 | 14:02
3332

Бір күнде жұлдызға айналған келіншек: Әнші болуды армандаған емеспін

Ол құрылыста жұмыс істеп жүріп, жұлдыз болып кеткеніне әлі таңғалып жұр

Бір күнде жұлдызға айналған келіншек: Әнші болуды армандаған емеспін Almaty.tv

Бір күнде әлеуметтік желіде жұлдызға айналған Гүлмайдан Серікбай «Алматы» телеарнасы Таңғы STUDIO бағдарламасына эксклюзив сұхбат берді.

Гүлмайданға бұрын аяқсыз қалған оқуын әнші Сәкен Майғазиев Т. Жүргенов атындағы Қазақ ұлттық өнер академиясында қайта жалғастыруға мүмкіндік берген.

«Маған кеше Сәкен Майғазиев ағамыз хабарласып, "Т. Жүргенов атындағы Қазақ ұлттық өнер академиясынның ректорымен сөйлесіп қойдым, оқуыңды қайта жалғастыруыңа болады" деп айтты», – деді Гүлмайдан.

Ол құрылыста жұмыс істеп жүріп, жұлдыз болып кеткеніне әлі таңғалып жұр.

«Бақ шаба ма, бап шаба ма дегендей, бағым шығар деп ойлаймын. Әлі де таңғалып жүрмін. Видеоның желіге тарағанына бір апта уақыт болды. Негізі, ол видеода құрбым екеуіміз мектептің ішіне әрлеу жұмыстарын жүргізіп жатқанбыз. Осы аз уақыт ішінде көпшілікке таңылып үлгердім», – дейді желі жұлдызы.

Гүлмайданның айтуынша, өзі танымал әнші болуды армандамаған екен. 

«Мен әнші ретінде жұлдыз болуға қатты қызыққан емеспін. Менен де басқа әншілер бар ғой деп ойлайтынмын. Бірақ «Сенің дауысың керемет» деп желіге түсіріп салғысы келгендер көп болды», – дейді Гүлмайдан.

Гүлмайданның Алматыға арман қуып келгеніне небәрі төрт ай болған. Оның басты мақсаты – материалдық жағдайын жасап, қаланың тыныс-тіршілігімен танысу.

«Алматыға шілде айында Қызылордадан келдім. Бұрын мейрамханалар мен кафелерде ән айтқанмын. Карантин кезінде бәрі жабылып қалды. Ақша тауып, күн көру керек болды. Сол үшін құрылыс саласына бардым», – дейді ол.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Автор

автор Назым Қыдырбайқызы
Назым Қыдырбайқызы
редактор

Прямой эфир