Киелі сахнаның еркесі - Мақпал Жүнісова 60 жасқа толды

Қазақстанның халық әртісі, әнші Мақпал Жүнісова мерейлі 60 жасқа толды, деп хабарлайды Аlmaty.tv тілшісі Massaget.kz-ке сілтеме жасап. 

Әншінің жанкүйері қуанышты күнге орай оған мұрағаттағы видеолардан ерекше сый жасады.

- Жанар жанкүйерімнің құттықтау видеосына үлкен рақмет! Жанаржан, отбасыңмен ғұмырлы болыңыз! - деп жазды әнші.

Сонымен қатар Мақпал Жүнісова жақындарынан да ерекше сыйлық алып жатқанын, тіпті гауһар тастай әшекейлер алғанын айтты.

Желі қолданушылары өнер иесін 60 жасымен құттықтады.

- Туған күніңмен Мақпал, денсаулық, ұзақ ғұмыр, Мерейдің жақсылығына, қуанышына тоймай жүре беріңіз! Әсем әніңмен тыңдармандарыңды тербей бер! 

- Туған күніңізбен! Құттықтаймын! Мықты денсаулық тілеймін! 100 жасаныз!!!

- Киелі сахнаның гүлі ғой! Мақпалжан, жайнап жасай бер! - деп жазды олар.

Айта кетейік, Мақпал Жүнісова 1963 жылы 11 қаңтарда Қарағанды облысы Қарқаралы ауданы Теректі ауылында дүниеге келген. Ол - кеңес және қазақ эстрада әншісі, профессор. Қазақстанның халық әртісі, ҚР Мемлекеттік сыйлығының иегері, халықаралық конкурстардың лауреаты.

Оқи отырыңыз: Димаш Құдайберген Жаңа жыл түні Қытай телеарнасының эфирінде өнер көрсетеді