«Жаңа көзқарас» сарапшылары: Жаңа Қазақстан еліміздің бәсекеге қабілеттілігін шыңдайды

«Біз Жаңа Қазақстанды құруға кірістік. Бұл – өте ауқымды міндет. Тіпті, болашақтағы тағдырымызды шешетін аса маңызды жұмыс деуге болады. Оны ойдағыдай жүзеге асыру үшін жаңа мақсат-міндеттерімізді айқындап алуымыз қажет». Бұл ел Президенті Қасым-Жомарт Тоқаевтың билік партиясының ХХІІ съезінде айтқан сөзі. Бүгінгі «Жаңа көзқарас» бағдарламасы сол жиында көтерілген мәселеге арналады, деп хабарлайды Almaty.tv тілшісі. 

Бүгінгі бағдарлама қонақтары: ғалым, қоғам қайраткері, Халықаралық адам институтының президенті Жанұзақ Әкім және Абай атындағы Қазақ ұлттық педагогикалық университеті саясаттану, әлеуметтік-философиялық пәндер кафедрасының меңгерушісі, саяси ғылымдар докторы, профессор Жомарт Симтиков. Сондай-ақ Nur Otan партиясы жанындағы жастарды қолдау қоғамдық кеңесінің төрағасы Арман Жүдебаев қатысты.