Алматыда көптен күткен «Absolute Championship Akhmat 105» турнирі өтті. Отандасымыз Арман Оспанов ресейлік Расул Мирзаевпен бірінші раундта нокаутпен жеңді, деп хабарлайды Almaty.tv.
Аралас жекпе-жекті алматылықтардың сағынып қалғаны көрініп-ақ тұрды. "Алматы-арена" спорт кешенінде ине шаншар жер болған жоқ. Жетіде басталатын аламанға кешкі бестен бастап жиналған. Барлығы "сұңқар" лақап атымен танылған Арман Оспановтың жеңіске жететініне сенімді болды.
Арман Оспанов пен Расул Мирзаевтың айқасы бұған дейін бірнеше мәрте жоспарланғанымен, әртүрлі себепке байланысты өтпей қалған еді. Бүгінгі жекпе-жек ұзаққа созылған жоқ. Алғашқы минуттарда Арман Расулды нокаутқа жіберіп, жеңіске жетті.
