Бауыржан Исламханның қанынан допинг табылды

Азия Чемпиондар Лигасының ойынынан кейін футболшының тапсырған допинг-сынағында тыйым салынған препарат табылған. Ол уақытша ресми ойындарға қатыспайды, деп хабарлайды Almaty.tv тілшісі Қазақстан футбол федерациясының ресми сайтына сілтеме жасап.

Федерациядан мәлім еткендей, ұлттық құраманың бірнеше негізгі ойыншылары алдағы матчтарға қатыса алмайды. 

Жарақаттарына байланысты жартылай қорғаушылар Бактиёр Зайнутдинов, Серікжан Мужиков, Думан Нәрзілдаев, сонымен қатар орталық қорғаушы Сергей Малый ұлттық құраманың қатарына келе алмады. 

Денсаулықтарына байланысты алдағы ойындарға қорғаушы Темірлан Ерланов пен жартылай қорғаушы Асхат Тағыберген қатыспауы мүмкін. 

Қазақстан құрамасының капитаны Бауыржан Исламхан да көмекке келе алмайды. Азия Чемпиондар Лигасының ойынынан кейін футболшының тапсырған допинг-сынағында тыйым салынған препарат табылған. Ол уақытша ресми ойындарға қатыспайды. 

Беларусьтық «Рух» командасының жартылай қорғаушысы Владислав Васильев ойнамайды. Футболшының Covid-19 тапсырған сынағы оң нәтиже көрсеткен. 

Қосалқы тізімнен орталық алаңда ойнайтын жартылай қорғаушылар Аслан Дарабаев пен Юрий Перцух, сонымен қатар, шабуылшы Тоқтар Жаңғылышбай шақырылды.