Қазақ күресінен Әлем кубогінде Қазақстан жалпыкомандалық 1-орын алды

Румынияның Констанца қаласында қазақ күресінен өткен Әлем кубогінде ұлттық құрама өкілдері жалпыкомандалық бірінші орынға ие болды, деп хабарлайды Almaty.tv тілшісі "Qazaq kuresi" ассоциациясының баспасөз қызметіне сілтеме жасап.

Қара теңіздің жағалауындағы бұл жарысқа әлемнің 20 елінен келген балуандар сынға түсті.

Қазақстандық балуандар барлығы 15 медаль жеңіп алды: 7 алтын, 1 күміс, 7 қола.

Әлем кубогында үздіктер қатарынан көріне білген балуандар медальдармен және ақшалай сыйақылармен марапатталды.

Жарыстың ұйымдастырушылары – «Qazaq kuresi» Ассоциациясы, ҚР Мәдениет және спорт министрлігі, Румыния «Qazaq kuresi» Ассоциациясы және Румыниядағы Қазақстанның елшілігі.