Елена Рыбакина Stuttgart 2023 турниріндегі алғашқы кездесуін өткізді

Қазақстандық теннисші Елена Рыбакина Германияның Штутгарт қаласында өтіп жатқан WTA 500 Porsche Tennis Grand Prix Stuttgart 2023 турнирінде алғашқы кездесуін өткізді, деп хабарлайды Almaty.tv тілшісі Zakon.kz-ке сілтеме жасап.

Рыбакина алғашқы ойында германиялық теннисші Юле Нимайермен кездесіп, екі сетте 7:5, 6:3 есебімен жеңіске жетті. Ойын 1 сағат 30 минутқа созылды.

Матч кезінде Елена тоғыз рет эйс, бір рет қос қате жасады.

Турнирдің жалпы жүлде қоры - 780 000 АҚШ доллары, ал жеңімпазға 120 000 АҚШ доллары, 470 рейтингтік ұпай және Porsche автокөлігі сыйға беріледі.