Футбол: «Челси» суперкубок иегері атанды

12.08.2021 14:29

«Челси» ойыншылары 6:5 есебімен жеңіске жетті

©Chelsea

Лондондық «Челси» испаниялық «Вильярреалды» жеңіп, УЕФА суперкубогын иеленді, деп хабарлайды Almaty.tv тілшісі Tengrinews.kz сілтеме жасап.

Солтүстік Ирландияның Белфаст қаласындағы «Уиндзор Парк» стадионында өткен кездесудің негізгі уақыты 1:1 есебімен аяқталды. Хаким Зиештің голына (27-минутта) испандар Жерар Мореноның дәл соққысымен (73-минутта) жауап берді.

Қосымша уақытта командалар алға шыға алмады. Нәтижесінде жеңімпаз пенальти сериясында анықталды. Мұнда «Челси» ойыншылары 6:5 есебімен жеңіске жетті.

Еске салайық, өткен маусымда «Челси» Чемпиондар лигасында топ жарған, ал «Вильярреал» Еуропа лигасын жеңіп алған еді.

Теги: УЕФА Суперкубок
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Жыл басынан бері қазақстандықтарға 1,5 трлн теңгеден астам зейнетақы төленді