Меншікті өндіріс
Біз әлеуметтік желілердеміз
Сұлтан Зәуірбек Англиядағы жекпе-жегін нокаутпен жеңді
Зәуірбектің қарсыласы – аргентиналық Факундо Арсе (15-9-2, 7КО) болды
Қазақстандық боксшы Сұлтан Зәуірбек (14-0, 9КО) Англияның Болтон қаласында өткен бокс кешінде өнер көрсетті, деп хабарлайды Almaty.tv тілшісі Кazproboxing парақшасына сілтеме жасап.
Бұған дейін хабарлағанымыздай, Зәуірбектің қарсыласы – аргентиналық Факундо Арсе (15-9-2, 7КО) болды. Жекпе-жек екінші жартылай жеңіл салмақта өтті және сегіз раундқа жоспарланды. Нәтижесінде қазақстандық боксшы бесінші раундта қарсыласын техникалық нокаутпен жеңді.
Осылайша, Сұлтан Зәуірбек кәсіпқой бокс мансабында 14-інші жеңісіне қол жеткізді. Айта кетсек, ол - WBO European нұсқасы бойынша екінші жартылай жеңіл салмақтағы чемпион. Белдікті 2021 жылдың шілдесінде жеңіп алған болатын. Бұған дейін оған WBC-тің жастар арасындағы әлем чемпионы титулы да тиесілі еді.
Оқи отырыңыз: Gorilla Winter Jungle: Шымбұлақта кәсіби сноубордшылар мен шаңғышылар арасында сайыс өтпек