UFC жұлдызы Конор Макгрегор Forbes нұсқасы бойынша дүние жүзінде ең табысты спортшылар рейтингінде көш бастады, деп хабарлайды Almaty.tv тілшісі Tengrinews.kz-ке сілтеме жасап.
Ирландиялық файтердің кейінгі жылы тапқан табысы 180 миллион долларға бағаланды. Рейтингтегі екінші орында «Барселона» мен Аргентина құрамасының шабуылшысы Лионель Месси тұр – 130 миллион доллар. Сондай-ақ үздік үштікке «Ювентус» пен Португалия құрамасының шабуылшысы Криштиану Роналду кірді – 120 миллион доллар.
Макгрегор жылдық табысының көп бөлігін өзінің виски брендін сатудан тапқан. Ал екі футболшының да негізгі табысы – жарнамалық келісімшарттар.
Жылдың ең табысты ТОП-10 спортшысы:
1. Конор Макгрегор (ММА, UFC) - 180 миллион доллар.
2. Лионель Месси (Барселона, футбол) - 130 миллион доллар.
3. Криштиану Роналду (Ювентус, футбол) - 120 миллион доллар.
4. Дак Прескотт (Даллас Ковбойс, америкалық футбол) - 100 миллион доллар.
5. Леброн Джеймс (Лос-Анджелес Лейкерс, баскетбол) - 96,5 миллион доллар.
6. Неймар (ПСЖ, футбол) - 95 миллион доллар.
7. Роджер Федерер (теннис) - 90 миллион доллар.
8. Льюис Хэмилтон (Мерседес, Формула-1) - 82 миллион доллар.
