Қазақстандық балуан Нью-Делиде өтіп жатқан еркін күрестен Азия чемпионатында жеңімпаз болды, деп хабарлайды Olympic.kz.
120 келіде қазақстандық Юсуп Батырмурзаев финалда моңғолиялық Худербулга Доржхандты 10:0 есебімен жеңді. Ол жартылай финалда ирандық Парвиз Хадибасманжды, ширек финалда үндістандық Сатендерді ұтқан. Осылайша, еркін күрестен Қазақстан қоржынына екінші алтын медвль түсті. Бұған дейін 74 келіге дейінгі салмақта белдескен балуан Данияр Қайсанов Азия чемпионы атанған еді.
