Елена Рыбакина әлемдік рейтингіде рекордтық орынға көтерілді

Қазақстанның бірінші ракеткасы әлемдік рейтингіде рекордтық орынға көтерілді. Әйелдер теннисі қауымдастығы (WTA) жаңартылған рейтингті жария етті, деп хабарлайды Almaty.tv.

Үздік үштікте ешқандай өзгеріс болған жоқ: польшалық Ига Святек көш бастап тұр, беларусь Арина Соболенко екінші орында, америкалық теннисші Джессика Пегула үшінші орында.

Елена Рыбакина 7-ден алтыншы сатыға жоғарылады. Бұған дейін Қазақстан теннисі тарихында ешкім мұндай нәтижеге қол жеткізген жоқ.

Юлия Путинцева 51-орнында қалса, Анна Данилина жұптық сында 26-сатыға қайта оралды.

WTA-ның 8 мамырдағы рейтингісі:

6 (+1). Елена Рыбакина (Қазақстан) – 4195,

51 (0). Юлия Путинцева (Қазақстан) – 1016,

435 (-9). Жібек Құламбаева (Қазақстан) – 111,

496(+16). Гөзал Айнитдинова (Қазақстан) – 93,

574. (-25). Анна Данилина (Қазақстан) – 66,

1146 (-32). Аружан Сағындықова (Қазақстан) – 9.

Дерекөз: Sports.kz