|
01.03.2024 | 09:51
3770

Қазақстандық кәсіпқой боксшы қыз қарсыласын нокаутпен жеңді

Бұл - оның кәсіби мансабындағы жетінші жеңісі

Қазақстандық кәсіпқой боксшы қыз қарсыласын нокаутпен жеңді instagram/angelina_lukas1997

Аса жеңіл салмақта өнер көрсететін қазақстандық кәсіпқой боксшы қыз Ангелина Лукас (6-1-0, 3 КО) Таиландта кезекті жекпе-жегін өткізіп, қарсыласын нокаутпен жеңді, деп хабарлайды Аlmaty.tv тілшісі sports.kz-ке сілтеме жасап.

Бұл туралы боксшы өзінің әлеуметтік желідегі парақшасында жазды.

Ол кезекті жеңісінен кейін «Бүгін мен кәсіби мансабымда жетінші жеңіске жеттім және өте қуаныштымын, осы жеңісімді сүйікті еліме арнағым келеді!», - деп жазба қалдырды.

Ангелина Лукас таиландтық Кадесара Джадпакдимен жұдырықтасып, қарсыласын мерзімінен бұрын жеңді. Негізі жекпе-жек сегіз раундқа жоспарланған. Алайда рефери төртінші раундта жарысты тоқтатты. Осылайша қазақстандық боксшы кәсіпқойдағы жетінші жеңісіне қол жеткізді.

Ал оның қарсыласы қазірге дейін кәсіпқой бокстың шаршы алаңында жеті рет жеңіске жеткен. Үш рет жеңілген. Осы жолы төртінші рет жеңілістің ащы дәмін татты.

Оқи отырыңыз: Су спортынан Азия чемпионаты: Қазақстан бір күнде 8 алтын, 2 күміс жеңіп алды

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир