Қазақстандық теннисші Түркиядағы турнирдің финалына шықты

ktf.kz

Ол жекелей сында ширек финалға дейін жеткен болатын

17 жасар қазақстандық теннисші Аружан Сағындықова Анталияда (Түркия) өтіп жатқан ITF W25 турнирінің жұптық сынның финалына шықты, деп хабарлайды Almaty.tv тілшісі ҚТФ-тің баспасөз қызметіне сілтеме жасап.

Аружан қытайлық Ю-Юн Лимен бірге жартылай финалда қазақстандықтар Жанель Рүстемова - Сандуғаш Кенжебаевамен шеберлік байқасты.

Аружан мен Ли айқын басымдық танытты - 6:1, 6:3.

Ертең олар ресейлік апалы-сіңлілі Золотаревалармен бас жүлдені сарапқа салады.

Аружан жекелей сында ширек финалға дейін жетіп, тартысты матчта сербиялық Наталия Сеничке жол берді - 6:3, 1:6, 5:7.