Меншікті өндіріс
Біз әлеуметтік желілердеміз
Тұңғыш рет қазақстандық спортшы үстел теннисінен әлем чемпионы атанды
10.12.2022 17:31
Ол 15 жасқа дейінгі аралас жұптық сында мысырлық Хана Годамен жұптасты
kazspots.kz
Қарағандылық Алан Құрманғалиев үстел теннисінен Тунисте өтіп жатқан жастар арасындағы әлем чемпионатында топ жарды, деп хабарлайды Almaty.tv тілшісі Zakon.kz-ке сілтеме жасап.
Қазақстандық 15 жасқа дейінгі аралас жұптық сында мысырлық Хана Годамен бірлесіп, финалда Тьяго Абиодана мен Марии Берзосты (Португалия/Испания) ұтты. Есеп: 3:0.
Айта кетейік, Алан мен Хана жартылай финалдағы тартысты ойында жапониялық – Такуми Танимото мен Рин Мендені жеңді. Есеп: 3-2.
Алан – үстел теннисінен әлем чемпионы атанған тұңғыш қазақстандық. Аланның бапкері – Эльмира Əлиева, Хананікі – Исмаил Хишам.
Жастар арасындағы әлем чемпионаты 11 желтоқсанда аяқталады.