|
31.01.2021 | 13:35
6390

Самат Смақов «Ордабасы» командасының бас бапкерінің көмекшісі қызметіне келді

Ол төрт мәрте Қазақстанның үздік ойыншысы атанған

Самат Смақов «Ордабасы» командасының бас бапкерінің көмекшісі қызметіне келді Фото: ФК «Ордабасы»

Қазақстан белгілі футбол маманы Самат Смақов Шымкенттің «Ордабасы» командасы бапкері қызметіне келді, деп хабарлайды Almaty.tv тілшісі fcordabasy.kz сайтына сілтеме жасап.

Самат Смақов 1978 жылы 8 желтоқсанда Семей қаласында дүниеге келген. Футболшы мансабында қазақстандық «Елімай», «Ертіс», «Жеңіс», «Қайрат», «Ақтөбе», «Ордабасы», Ресейдің «Ростсельмаш», Түркияның «Ризеспор» командаларында ойнаған. Ол еліміздің 6 дүркін чемпионы атанған. Екі мәрте Қазақстан кубогын алып, бір мәрте суперкубокқа қол жеткізді. Төрт мәрте Қазақстанның үздік ойыншысы атанған. Қазақстан ұлттық құрамасы сапында 76 ойын ойын өткізген, бұл – әзірге рекордтық көрсеткіш. Айта кетерлігі, ол бас бапкерге көмекші қызметін атқарады. Жақында ол қызметке Беларусь маманы Александр Седнев келген болатын. С.Смақов 2017 жылы UEFA-ның А санатының дәрежесіне ие.

Еске сала кетсек, 2018 жылы «Ақтөбе» футбол клубы сенімгерлік басқаруға беріліп, Самат Смақов клубты басқарды. 2019 жылдың желтоқсан айында Самат Смақов «Ақтөбе» футбол клубынан кетті. 2020 жылы маусым айында Самат Смақов «Тараз» футбол клубының директоры қызметіне тағайындалады» деген ақпарат тарап, Жамбыл облысы әкімдігі бұл ақпаратты жоққа шығарған еді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир