Алматыда бюджет қаржысы есебінен 7 ірі спорттық нысан салынып жатыр

Алматыда бюджет қаржысы есебінен 7 ірі спорттық нысан салынып жатыр. Бұл туралы Алматы қалалық спорт басқармасының басшысы Рүстем Байсейітов Өңірлік коммуникациялар қызметінің баспасөз конференциясы барысында айтты, деп хабарлайды Almaty.tv

Спикердің айтуынша, биыл жабық спорттық нысандардың құрылысы еселенген. Қазіргі құрылыста бұл объектілердің қуаттылығы тәулігіне шамамен 10 мың адам.

Қазіргі уақытта Алматыда бюджет қаржысы есебінен 7 спорттық нысанда құрылыс-монтаж жұмыстары жүргізілуде, оның ішінде 6 спорттық-сауықтыру кешені мен теннис орталығы.

Сонымен қатар, жекеменшік ұйымдар 5 ірі спорт нысандарын салып жатыр: үстел теннисі орталығы, Сұңқар ХШТК дене шынықтыру-сауықтыру кешені, Жұлдыз ықшамауданындағы спорт кешені, Май Вин дене шынықтыру-сауықтыру кешені, Әуезов ауданындағы күрес орталығы. «Жан досым» теннис орталығы пайдалануға берілді.

2021 жылы аудандық әкімдіктер дене шынықтыру-сауықтыру орталықтарын орналастыру үшін қосымша жер телімдерін берді. Берілген 14 учаскенің 7 қаланың коммуналдық меншігінде, қалған жетеуі жеке меншікте.

Қазіргі уақытта мемлекеттік қорда орналасқан ауданы 0,3-тен 1 га дейінгі 7 учаске үшін қала құрылысы және урбанизм бөлімі жобалық-сметалық құжаттаманы әзірлеуге конкурс жариялады. Сонымен қатар, Атлетикалық ауылдың іргелес аумағында жабық жеңіл атлетикалық манеж салу жоспарлануда. Қазіргі уақытта жобалық-сметалық құжаттаманы әзірлеуге тендер өткізіліп жатыр.

Р. Байсейітов атап өткендей, 2022-2024 жылдарға арналған Спорт басқармасы жалпы сомасы 3 миллиард 83 миллион теңгеге қаланың спорт ұйымдарын қажетті инвентарьмен және құрал-жабдықтармен кешенді түрде кезең-кезеңімен жабдықтау жоспарын дайындады.