Елена Рыбакина Римде өткен Internazionali BNL d'Italia турнирінің жеңімпазы атанды. Соның арқасында әлемдік рейтинг кестесінің 4-орнына жайғасты, деп хабарлайды Almaty.tv.
Соңғы жарыстан ол мың ұпай мен 521 мыңнан аса еуро еншілеп қайтты. Рыбакина финалда украиналық Ангелина Калининамен кездесіп, бірінші сетті 6:4 есебімен сәтті бастады. Ал екінші сетте Ангелина жарақатына байланысты ойынды жалғастырудан бас тартты.
– Соңғы 2 апта өте қиын болды. Ойынды жақсы нәтижемен еңсердім. Ендігі мақсат – Францияда өтетін турнирде өнер көрсету. Қазір өзімді жақсы сезінемін, – деді WTA 1000 - Internazionali BNL d'italia турнирінің жеңімпазы Елена Рыбакина.
