Таиландтағы турнир: Қазақстандық үш боксшы финалға шықты

Таиландтың Пхукет қаласында өтіп жатқан Thailand Open-2022 турнирінде қазақстандық үш боксшы финалға жолдама алды, деп хабарлайды Almaty.tv тілшісі ҚазАқпаратқа сілтеме жасап.

Халықаралық турнирде 91 келіде қос қазақстандық боксшы қолғап түйістірді. Нәтижесінде Нұрбек Оралбай отандасы Сағындық Тоғамбайдың осал тұсын тауып, финалға жолдама алды.

Ал 57 келіде Серік Теміржанов жартылай финалда таиландтық Руджакран Джунтронгты 3:2 есебімен тізе бүктірді.

Сондай-ақ 75 келіде Аятулла Тәкіжанов жартылай финалда қарасыласына есе жіберіп, жарыстың қола жүлдесін місе тұтты.

Енді кешкі сессияда үш боксшымыз жарыс жолына шығады.

Оның екеуі 63 келі салмақта өзара сынға түседі. Аталған салмақта Санатәли Төлтаев пен Сұлтан Мусинов кездеседі.

Тағы бір қазақстандық Асланбек Шымбергенов (69 келі) таиландтық Атичай Фомсаппен финал жолдамасын сарапқа салады.

Еске салсақ, бұдан бұрын тоғыз боксшы жартылай финалға жолдама алғанын хабарлаған едік.