Меншікті өндіріс
Біз әлеуметтік желілердеміз
Қазақстандық теннисші Таиландтағы турнирдің чемпионы атанды
Турнир Накхонситхаммаратта (Таиланд) өтті
Қазақстандық Григорий Ломакин Накхонситхаммаратта (Таиланд) өткен ITF турнирінің чемпионы атанды, деп хабарлайды Almaty.tv тілшісі ҚазАқпаратқа сілтеме жасап.
Дүниежүзілік рейтингте 1057-орында тұрған қазақстандық теннисші жүлде қоры 15 мың АҚШ долларына бағаланған жарыс барысында бес теннисшіні тізе бүктірді.
Өтірікке құрылған ғұмыр | Өмір иірімі
Финалда 25 жастағы Г.Ломакин әлемнің 680-ші, доданың 3-ракеткасы Касидит Самреймен бас жүлдені сарапқа салды.
Бірінші партияда қазақстандық спортшы тай-брейкте әбжілдік танытты – 7:6 (7:2). Екіншісінде 4:6 есебімен есе жібергенімен, шешуші сетте жеңісті жұлып алды – 6:3.
Еске сала кетейік, бұдан бұрын Тимофей Скатовтың АҚШ ашық чемпионатында негізгі турнирге жолдама алғанын жазған болатынбыз.