Қазақстан тумасы UFC турнирінің басты жекпе-жегінде қарсыласын нокаутпен жеңді

АҚШ-тың Невада штатындағы Лас-Вегас қаласында UFC Apex аренасында UFC on ESPN 39 турнирінің басты жекпе-жегі өтті.

Жекпе-жекте Қазақстан тумасы Рафаэль Физиев (11-1) пен бразилиялық файтер Рафаэль дос Аньос (31-13) жұдырықтасты, деп хабарлайды Almaty.tv тілшісі Sputnik сайтына сілтеме жасап.

Жеңіл салмақтағы жекпе-жек бес раундқа жоспарланған болатын, бірақ ол соңына дейін өтпеді. Физиев соңғы бес минутта қарсыласын нокаутпен жеңді.

Осылайша, Рафаэль он екінші жеңісіне қол жеткізсе, дос Аньос ММА-да он төртінші рет жеңіліске ұшырады.

Айта кетері, Рафаэль Физиев 1993 жылы 5 наурызда Жамбыл облысы Қордай ауылында дүниеге келген.