Қазақстандық гимнаст әлем кубогінде қола медаль алды

Қазақстандық гимнаст Елжан Таниева әлем кубогі кезеңінің қола жүлдегері атанды, деп хабарлайды Almaty.tv тілшісі ҚазАқпаратқа сілтеме жасап.

Ұлттық олимпиада комитетінен мәлім еткендей, Болгарияның София қаласында көркем гимнастикадан әлем кубогі кезеңі мәресіне жетті. Қазақстан құрамасының спортшысы Елжан Таниева аталған әлемдік бәсекеде қола жүлдеге ие болды. Ол ұршықпен жаттығу бойынша финалда 28,7 ұпайын еншіледі. 

Айта кетерлігі, болгариялық Стильяна Николова жарыс жеңімпазы атанса, италиялық София Раффаэли күміс алды.