Меншікті өндіріс
Біз әлеуметтік желілердеміз
Бочча жеңімпаздары марапатталды
Ерекше жандарға арналған сайысқа 18 адам қатысып, күш-жігерін сынады
Алматыда Бочча паралимпиадалық спорт түрінің қатысушыларын марапаттау рәсімі өтті, деп хабарлайды Almaty.tv.
Бұл спорт тірек қозғалыс аппаратының ауыр ақаулары бар адамдардың шағын допты лақтыруы арқылы жүзеге асады. Қалалық чемпионатты ұйымдастырушылар – Алматы қаласы Спорт басқармасы мен Алматы қаласының «Бочча» паралимпиадалық спорт түрлері федерациясы. Ерекше жандарға арналған сайысқа 18 адам қатысып, күш-жігерін сынады. Боччаны ойнайтын адамдар диагнозына байланысты бөлінді. Жеңімпаздар да ерекше белгілерінің санатына қарай жіктеліп, анықталды.
– Денсаулығында кемістігі бар жандар үшін мұндай спорт түрінің қалыптасып, дамуы қуантады. Қазақстанда бочча спорттық ойыны 2018 жылдан бастап қолға алынды. Оны қолдау күшейеді деп сенемін, – деді Алматы қаласы Бочча федерациясының атқарушы директоры Асан Итенов.
Оқи отырыңыз: Алматыда әмбебап жекпе-жектен республикалық чемпионат басталды