Бүгін қазақстандық дзюдошылар Бразилияда өтіп жатқан сурдлимпиада ойындарында 4 медаль жеңіп алды, деп хабарлайды Almaty.tv тілшісі.
Құрама сапынан алғашқылардың бірі болып 60 келі салмақта өнер көрсететін Әділбек Нұрмұхамед күміс еншілесе, 73 келіде Шаяхмет Қанапиянов қола жүлдегер атанды. Ал қыздардан Дана Ержанова мен Фериде Қараоглы үздік үштіктен көрінді.
«Ертең 4 ұл, 4 қыз қатысады. Олардан да үміт күтіп отырмыз. Бұл жолы да жетістіктерге жетеміз деп ойлаймын», – деді Сурдо дзюдодан ұлттық құраманың аға жаттықтырушысы Хайролла Лұқманов.
