Меншікті өндіріс
Біз әлеуметтік желілердеміз
Атырау тұрғыны 94 тонналық вагонды сүйреп, рекорд орнатты
Балуан енді Қазақстан рекордын жаңартуды мақсат етіп отыр
Атырау облысы Құрманғазы ауданының тұрғыны Ерсейіт Бралин 94 тонналық вагонды сүйретіп, Батыс Қазақстан бойынша рекорд орнатты, деп хабарлайды Almaty.tv.
Оның вагонды сүйреген видеосы әлеуметтік желіде жарияланды.
Ерсейіт Бралин бұған дейін пауэрлифтингтен әлем чемпионы, Азияның қола жүлдегері, сонымен қатар Батыс Қазақстанда өткен «Толағай алыптары» жарысының чемпионы атанған. Қазіргі таңда пауэрлифтинг және грепплингтен спорт шебері.
"Мен ауыр салмақ көтерумен бұрыннан айналысып келемін. Алдағы уақытта шәкірт тәрбиелеп, осы салада чемпиондар шығарғым келеді. Қазір Атырау қаласындағы «Санаторий» фитнес орталығында жаттығып, жарыстарға қатысып жүрмін. Жаттықтырушым Александр Литвиновке алғысым шексіз", - дейді Е. Бралин.
Алдағы уақытта Ерсейіт Бралин 5 вагоннан тұратын 120 тонналық пойызды сүйреп, Қазақстан рекордын жаңартуды мақсат етіп отыр.
Оқи отырыңыз: Ломбардтағы қарыз несие немесе ипотека алуға кедергі бола ма