Меншікті өндіріс
Біз әлеуметтік желілердеміз
Азия чемпионатында қазақстандық боксшылар ширек финалға шықты
Жарыс Тайландтың Чиангмей қаласында өтіп жатыр
Тайландтың Чиангмей қаласында өтіп жатқан бокстан Азия чемпионатында Қазақстанның тағы екі боксшысы ширек финалға жолдама алды, деп хабарлайды Аlmaty.tv тілшісі 1bol.kz-ке сілтеме жасап.
57 келіде өнер көрсеткен Оразбек Асылқұлов алғашқы жекпе-жегін айқын басымдықпен ұтты. Ол малайзиялық Зулхейлейн Мохамадпен жұдырықтасқан болатын. Қарсыласынан бір бас жоғары өнер көрсеткен отандасымыз екінші раундта оны нокдаунға да жіберді.
Ал 60 келіде ел намысын қорғап жатқан Бейбарыс Жексен Азияның екі дүркін чемпионы – өзбек Дилшод Абдумуродовты жеңді. Үш раундтың қорытындысы бойынша төрешілер Бейбарысты мықты деп тапқан. Енді ол ширек финалда тәжік Акмал Убайдовпен жұдырықтасады.
Еске салайық, жарыстың бірінші күні Дулат Бекбауов тайбейлік боксшыны оңай жеңіп, ширек финал жолдамасын иеленген еді.
Оқи отырыңыз: Конькимен жүгіруден әлем кубогы: Қазақстан қола жүлдегер атанды