Чемпиондар лигасы: «Қайрат» - «Олимпиакос» кездесуінде алғашқы минуттан кімдер шығады

Футболдан UEFA Чемпиондар лигасы негізгі кезеңінің алтыншы турында алматылық «Қайрат» пен Грекияның «Олимпиакос» командалары алғашқы минуттан жасыл алаңға шығатын негізгі құрамын жариялады, деп хабарлайды Almaty.tv.

«Астана-арена» стадионында өтетін ойынды 9 желтоқсан күні сағат 20:20-да басталады.

Кездесуді «Qazaqstan» ұлттық телеарнасынан тікелей эфирде тамашалауға болады.

«Қайрат»: ​Темірлан Анарбеков (Қ) (К) – Луиш Мата, ​Александр Широбоков, Егор Сорокин, Еркін Тапалов – Олжас Байбек, Дан Глейзер, Александр Мрынский, Гиорги Зария – Рикардиньо, Эдмилсон;

Қосалқы құрам: Данила Буч (Қ), Шерхан Калмұрза (Қ) – Александр Мартынович, Лев Кургин – Дамир Қасаболат, Әділет Садыбеков, Юг Станоев, Валерий Громыко, Азамат Тұяқбаев – Жоржиньо;

«Олимпиакос»: Костас Дзолакис (Қ) – Франсиско Ортега, Жюльян Бьянкон, Лоренцо Пирола, Родиней (К) – Сантьяго Эссе, Христос Музакитис, Шикинью – Желсон Мартинш, Даниэл Поденсе, Айюб эль-Кааби;

Қосалқы құрам: Николаос Ботис (Қ), Георгиос Кураклис (Қ) – Бруно Оньемаечи, Коштинья, Алексиос Калогеропулос – Диогу Насименту, Дани Гарсия, Лоренцо Шипиони – Габриэль Стрефецца, Роман Яремчук, Ставрос Пневмонидис, Мехди Тареми;

Алматылық команда Чемпиондар лигасының турнирлік кестесінде бір ұпаймен 35-орында келеді. Аталған турнирде «Қайрат» португалиялық «Спортингтен» 1:4, испаниялық «Реал Мадридтен» 0:5, италиялық «Интерден» 1:2, даниялық «Копенгагеннен» 2:3 есебімен жеңіліп қалды. Ал кипрлік «Пафос» командасымен 0:0 есебімен тең түсті.

«Олимпиакос» командасы болса турнирлік кестеде 2 ұпаймен 33-орында келеді. Бұған дейін кипрлік «Пафоспен» 0:0, нидерландтық ПСВ клубымен 1:1 есебімен тең түссе, англиялық «Арсеналдан» 0:2, испаниялық «Барселонадан» 1:6, испаниялық «Реал Мадридтен» 3:4 есебімен жеңілді.